Globus

De Feature Globus informéiert iwwer Konflikter op der Welt - bekannter a manner bekannter. D'Konflikter gi méi déif erfuerscht: Stëmme vum Terrain kommen zu Wuert, déi verschidden Interessien a Verflechtungen ginn entbléisst an déi sozio-ekonomesch a mënscherechtlech Situatioun gewisen.

Ethiopien

13. Feb 2017 - 09:15

Dat afrikanescht Land ass zënter Oktober am Ausnamezoustand. Onzefriddenheeten an der Bevëlkerung hunn d'Regierung no Protestaktiounen zu dësem Mëttel gräife gelooss.
Ethiopie gehéiert souzesoen zu den afrikaneschen Aushängeschëlder: mat engem konsequente Wuesstem vun 10 % pro Joer iwwert déi lescht Joren huet d'Land sech wirtschaftlech immens weiderentwéckelt. D'Situatioun vum Land ass awer net nëmme roseg. 2015 huet d'Partei, déi schonn zënter 26 Joer un der Muecht ass, all Deputéierte-Sëtz gewonnen, an dat ass, sou d'ONG Human Rights Watch, och dorobber zréckzeféieren, datt kritesch Stëmme ganz kleng gehale ginn. De Fait, datt zënter Oktober den Ausnamezoustand ausgeruff gouf, verschlëmmert d'Lag vun de Mënscherechter am Land zousätzlech. D'Kyra Fischbach mat Hannergrënn.

Lauschteren

Rezent Emissiounen

• Elfebeenhandel - ee bluddegt Geschäft

  03. Dez 2016 - 10:40

  Wéi kann der illegaler Juegd op Elefanten an Nashörner en Enn gesat ginn?

• Haiti - Presidentschaftswahlen an engem gescheiterte Staat

  28. Nov 2016 - 09:15

  Nodeems se ëmmer nees no hanne verréckelt gouf, war den 20. November déi éischt Ronn vun de Presidentschaftswahlen op Haiti.

• Ëmstridde Ressourcen: Konfliktrohstoff Holz

  26. Nov 2016 - 10:40

  Déi international Holzindustrie fuerdert Korruptioun an d'Finanzéierung vu Kricher weltwäit.

• Notre-Dame-des-Landes: Géint d'"Marchandisatioun" vun eiser Welt

  21. Nov 2016 - 09:15

  Wat bedeit rural Entwécklung a wéi wëlle mir an Zäite vum Klimawandel zesummeliewen?

• Ëmstridde Ressourcen: Uranium

  19. Nov 2016 - 10:40

  D’Presenz vun Uranium am Buedem vum Kazakhstan a vum Niger zum Beispill hunn de franséische Grupp Areva ugezunn, wat net nëmmen positiv Aspekter huet.

• Standing Rock

  14. Nov 2016 - 09:15

  De Fiels dee steet - riicht an onbeweeglech: esou resistéieren d'Sioux Indianer am US amerikaneschen Norddakota engem Pipeline Projet.

• Ëmstridde Ressourcen: Lithium - dat wäisst Gold

  12. Nov 2016 - 10:40

  Ee vun de liichtste Metallen op der Äerd huet schwéier Konsequenzen: Déi grouss Nofro huet a Chile an Argentinien zu Protester gefouert.

• COP22: De Präis vun der marokkanescher Energie-Transitioun

  07. Nov 2016 - 09:15

  Marokko ass dee gréisste Produzent vun erneierbaren Energien an Nordafrika. Mee zu wéi engem Präis?

• Ëmstridde Ressourcen: Pëtroll

  05. Nov 2016 - 10:40

  Geografesch an themespezifesch Beispiller, bei deene Konflikter duerch Pëtroll- a Gazvirkommen favoriséiert oder ausgeléist goufen.

• Ëmstridde Ressourcen: Pëtroll

  29. Okt 2016 - 10:40

  Iergendwéi e verfluchte Räichtem fir déi Länner, déi d'Ressource hunn: dat schwaarzt Gold.

• Medellín, eng Stad am Opbroch

  24. Okt 2016 - 09:15

  Drogekarteller, Metro-Cable a Graffiti: wéi eng gutt geplangten Urbanisatioun déi kolumbianesch Groussstad Medellín méi sécher konnt maachen.

• Ëmstridde Ressourcen: Pëtroll

  22. Okt 2016 - 10:40

  Dat schwaarzt Gold ass iergendwéi e verfluchte Räichtum fir déi Länner, déi d'Ressource hunn. 

• Kongo

  17. Okt 2016 - 09:15

  Wëllt de President Joseph Kabila d'Wahlen erauszéien?

• Konfliktmineral Koltan

  15. Okt 2016 - 10:40

  En deiere Spaass: Minnen, Rebellen, Kanneraarbecht, Vergewaltegungen an eis Telefonen.

• Sakgaass zu Aleppo

  10. Okt 2016 - 09:15

  Et konnt erëm keng Resolutioun am UNO Sécherheetsrot gestëmmt ginn. Iwwert déi politesch schwaarz-wäiss Molerei eraus ass d'Realitéit méi komplex.