Fräie Mikro

Dënschdes an Donneschdes um 8.50 an 12.15 radio 100,7

All Dënschdeg an Donneschdeg kommentéieren verschidden Acteuren aus der Zivilgesellschaft d'Aktualitéit. D'Meenungen déi hei expriméiert ginn, engagéieren nëmmen hir Auteuren. De radio 100.7 huet awer als Editeur d'editorial Responsabilitéit vun dëse Bäiträg.

Flüchtlinge gëscht an haut

22. Okt 2015 - 08:50

Um Beispill vum Ëmgank mat Flüchtlinge weist den Historiker Michel Pauly vun der Uni Lëtzebuerg, wéi historesch Fuerschung kann hëllefen, haut déi richteg politesch Entscheedungen ze treffen:

Den Thierry Grosbois huet rezent an der Zäitschrëft "Heemecht" eng laang Etüd iwwert d’Exilregierung publizéiert: wéi si da mat de Judden ëmgaang ass. Hien weist, wéi an den 30er Joren di verschidde Justizministeren ënnerschiddlech op d’Awanderung vun ëmmer méi Judden aus Däitschland, Éisträich an Tschechie reagéiert hunn. Wéi och di jüdesch Communautéit zu Lëtzebuerg gehollef huet a Sue gesammelt huet. Da beschreift en awer och, wéi d’Regierung am Exil ëmsoss bei de Briten, bei den Amerikaner, bei de belsche Kollegen ugeklappt huet, fir Judden aus Lëtzebuerg, déi d’Land verloosse wollten oder scho verlooss haten, opzehuelen. Si hunn all hir Dieren zougemaach.

Just Kuba, di kleng Dominikanesch Republik a Brasilien hunn e puer Dose Flüchtlingen aus Lëtzebuerg bei sech opgeholl, wou Dausender gehofft hunn, an d’USA ze flüchten. Den Auteur verstoppt och net, dass d’Lëtzebuerger Regierung a besonnesch de Staatsminister Pierre Dupong ëmmer nees betount hunn, dass se just fir Judde mat Lëtzebuerger Pass ëm Asyl géife froen, net fir di Dausenden däitsch, éisträichesch oder tschechesch Judden, déi virum 10. Mee 1940 op Lëtzebuerg komm waren. Mir kennen d’Enn vun der Geschicht: 1289 Judde goufe vu Lëtzebuerg aus a Vernichtungslager deportéiert, ganzer 81 hunn iwwerlieft.

Déi schrecklech Episod aus onser Geschicht geet mer net aus dem Kapp, wann ech gesi wéi haut Westeuropa matt Honnertdausende Flüchtlingen aus Syrien an dem Afghanistan konfrontéiert ass. Mee et ass kee Geheimnis, dass an de sougenannte soziale Medie vill Leit fäerten, duerch ons oppen Dieren an ons Hëllefsbereetschaft géif onse Wuelstand a Fro gestallt ginn oder si misste fir hir Sécherheet fäerten. An Däitschland, an Éisträich, an der Schwäiz ginn et jo scho Politiker, déi mat esou Froe probéiere, Walen ze gewannen. Déi Ängschte soll ee sécher serieux huelen an ëmmer nees als onbegrënnt widderleeën. Angscht féiert zu falschen Décisiounen, wéi viru 70 Joer. Riskéiere mer da net, dass a 70 Joer d’Historiker eis de Spigel wäerte virhalen an d’Politiker sech wéinst onsen zouen Diere mussen entschëllegen?

Lauschteren

Rezent Emissiounen

• Wann d'Relioun de Rechtsstaat a Fro stellt

  24. Jan 2019 - 08:50

  Wa reliéis Reegele sollen iwwert de Gesetzer stoen ass de Rechtsstaat a Gefor. Zwee rezent Uerteeler hunn dem elo kloer Grenze gesat.

• Hunn Refugiéë Mënscherechter?

  22. Jan 2019 - 08:50

  D'Danielle Igniti beschäftegt sech mam Problem vun de Refugiéen, déi géint hire Wëllen an hir d'Land zeréckgeschéckt ginn.

• Schwätzen oder Denken

  17. Jan 2019 - 08:50

  Doriwwer denkt den Thierry Simonelli a sengem Fräie Mikro no.

• Spaltung an Intoleranz

  15. Jan 2019 - 08:50

  An der weltwäiter Politik gëtt et zanter geraumer Zäit e Klimawiessel. D'Temperatur am politeschen Alldagsgeschäft geet stänneg an d'Luucht.

• Mam Klima ännert och eis Welt

  10. Jan 2019 - 08:50

  Ob räich oder aarm, an egal wou op der Welt, all Mënschen deelen eppes: si erliewen eng dramatesch Ännerung vun de Wieder- a Klimaconditiounen.

• 2019 - e Jubeljoer!

  08. Jan 2019 - 08:50

  Virun 100 Joer huet sech esou Munches hei zu Lëtzebuerg gedoen. 2019 sti gläich zwee Jubiläen un, déi ze gedenken an ze feieren et sech lount.

• Dee revolutionäre Message vu Chrëschtdag

  20. Dez 2018 - 08:50

  D'Kand an der Krëpp ass dat staarkt Bild, wéi d'Chrëschte vu Gott denken. Do dierf keng Plaz si fir Muechtdenken, weder an der Kierch nach an der Politik.

• Déi nächst Polemik kënnt bestëmmt

  18. Dez 2018 - 08:50

  Am Virfeld vun der Adoptioun vum Internationale Pakt iwwer Migratioun gouf et vill Polemik.

• Brauche mir nei Mënscherechter?

  13. Dez 2018 - 08:50

  Den 10. Dezember sinn op der ganzer Welt 70 Joer universell Deklaratioun vun de Mënscherechter gefeiert ginn.

• De globale Migratiouns-Pakt

  06. Dez 2018 - 08:50

  E Virwand fir Verbreede vu Friemenhaass

• De Weltbildungsbericht 2019: Brécke bauen amplaz Maueren

  04. Dez 2018 - 08:50

  Duerch d'Flüchtlingen an d'Migranten, déi aus anere Kulturen bei eis kommen, musse mir eis Bildungsoffer änneren, wa mir wëllen eng inklusiv Gesellschaft schafen.

• Weshalb gibt es den Verein MemoShoah in Luxemburg?

  29. Nov 2018 - 08:50

  Vor kurzem kam zu einem bewegenden Wiedersehen. Drei Luxemburger trafen sich, die 1940 gemeinsam in einem Zug nach Portugal fliehen mussten.

• Archivgesetz

  27. Nov 2018 - 08:50

  Zanter dem 1.9.2018 gëllt hei zu Lëtzebuerg en Archivgesetz. En historesche Schrëtt a Richtung méi Demokratie a méi Transparenz. Déi praktesch Ëmsetzung wërft awer och nei Froen op.

• Firwat entsprécht d'Dräierkoalitioun dem Wielerwëllen?

  22. Nov 2018 - 08:50

  D'Verloschter vun der CSV leien am Laangzäittrend vun der gesellschaftlecher Entwécklung an d'Dräierkoalitioun ass d'Resultat vun eisem Wahlsystem.

• D'Politik muss sech nei erfannen

  20. Nov 2018 - 08:50

  De grousse Verléierer vun de Parlamentswahlen am Oktober waren d'Sondagen.