Fräie Mikro

Dënschdes an Donneschdes um 8.50 an 12.15 radio 100,7

All Dënschdeg an Donneschdeg kommentéieren verschidden Acteuren aus der Zivilgesellschaft d'Aktualitéit. D'Meenungen déi hei expriméiert ginn, engagéieren nëmmen hir Auteuren. De radio 100.7 huet awer als Editeur d'editorial Responsabilitéit vun dëse Bäiträg.

Verännerungen vun der Gesellschaft

17. Sep 2015 - 08:50

Stëmmt et, dass fréier alles besser war? Et ginn vill innovativ Mesuren. Zum Beispill an der Schoul: Et gëtt Wäert op differenzéierten Unterrecht geluecht, a schaffen no Kompetenze soll d’Enseignéieren an d’Léieren optimal leeden. D’Méisproochegkeet an d’Lëtzebuerger Sprooch ginn analyséiert an diskutéiert bis zum Geet-net-méi. Et gi Projeten ausgeschafft (am Ablack hirer iwwer 80!) déi all Schüler gläich Chancë garantéieren.

Um Aarbechtsmaart: D’Regierungsvertrieder an hir Experte beméien sech op Prospektiounsreesen am Ausland, fir nei Betriber op Lëtzebuerg ze kréien. D’ADEM gëtt personell opgestockt. Leit ouni Aarbecht kréie schoulesch eng «Deuxième Chance» an och verschidden «Formations continues pour adultes» ginn ugebueden. Bei de Bauinfrastrukture mëscht de Staat d’Kaarte mat a gebitt den iwwerspëtzte Präisser Paroli duerch eege Projeten.

Mee all Medaille, maach se nach esou vill blénken, huet e Revers. Mär kënnen net ignoréieren, datt d’Zuel vun de Schoulofgänger ouni Ofschloss an déi vun de Schüler, déi duerchfalen, nach ni esou héich waren, grad esou wéi och d’Zuel vun den Aarbechtslosen an zemools vu de jonke Chômeuren. E Prêt ze kréien, fir en Haus zu Lëtzebuerg ze kafen, ass fir jonk Leit quasi onméiglech ginn. Ëmmer méi Famillje rutschen ënnert d’Aarmutsgrenz, packen de Loyer net méi oder sinn total iwwerverschëld. Aus enger heterogener Gesellschaft gëtt also, ouni datt dës Gesellschaft et selwer mierkt, eng Zwouklassegesellschaft. Mee, wien definéiert dann eigentlech d’Aarmutsgrenz? A wien decidéiert, wéi eng Messagen duerch wéi eng Press wéi vermëttelt ginn?

De fräie Mikro Nadine Ewerling:

Lauschteren

Rezent Emissiounen

• D'Transformatioun vun der Demokratie: 68 an haut

  29. Mee 2018 - 08:50

  Wéi ass eng demokratesch Politik méiglech, wa Parteie keng richteg Kritik méi toleréieren? Dat war eng wiesentlech Fro fir d'68er, an déi Fro ass bliwwen.

• Dem Staatsrot säi gesellschaftspolitesche Choix

  22. Mee 2018 - 08:50

  De Staatsrot huet sech mat der Wiel vun der Martine Lamesch amplaz vun der Joëlle Christen tëscht zwou Liewenswelten entscheet.

• Vill Gefasel an der Chamber

  15. Mee 2018 - 08:50

  Déi lescht Seancë vun dëser Legislatur kënnege sech an der Chamber un. Wat awer an de leschte Wochen do gelaf ass, huet déi wéinegst Bierger vum Hocker gerass.

• Dieser Feuerkopf mit dem klaren, unbestechlichen Urteil

  08. Mee 2018 - 08:50

  De Frantz Clément, dee vun den Nationalsozialisten higeriicht gouf, ass e Beispill vun engem couragéierten a schaarfsënnegen Intellektuellen.

• Déi rezent Entwécklung vum "www" verklengert eis den Horizont

  03. Mee 2018 - 08:50

  De Facebook-Skandal ronderëm déi privat Donnéeë weist, wéi kleng d'Welt vum Notzer ginn ass duerch déi moossgeschneidert Informatiounen, déi hie vu Maschinnen agespeist kritt.

• 68: déi nei Lénk an déi al

  26. Abr 2018 - 08:50

  Wien 1968 revoltéiere wollt, hat e beandrockende Choix vun Theorien. Eng wichteg Orientatioun an deem Kontext war déi vun der "New Left".

• Eng geféierlech Repressiounsspiral

  24. Abr 2018 - 08:50

  Eng méiglech Wiesselwierkung tëscht enger ëmmer méi repressiver Legislatioun an dem Gewaltpotential säitens de Policebeamten?

• Wirtschaftsfaktor Frontalier

  19. Abr 2018 - 08:50

  Frontaliere sinn fir eis Ekonomie liewenswichteg et gëtt awer wéineg op hir Situatioun agaangen.

• Säbelrasselen am Fréijoerslach

  17. Abr 2018 - 08:50

  Den Donald Trump huet alt nees e puer Rakéiten op Syrien schéisse gelooss. Mee no 7 Joer Krich gëtt et nach ëmmer keng Syrien-Politik.

• Konscht, Kënschtler a Kaméidi

  10. Abr 2018 - 08:50

  D'Entscheedung, d'"Chapelle" vum belsche Kënschtler Wim Delvoye am Mudam ze demontéieren, erhëtzt d'Gemidder an der Konschtszeen zu Lëtzebuerg.

• Wirkt Grün? Umweltgesetze in Luxemburg sind besser geworden

  05. Abr 2018 - 08:50

  Wassergesetz, Schutzzonen, Naturschutzgesetz, Waldgesetz, Bodenschutzgesetz: Im Umweltschutz hat die Regierung viel erreicht.

• E Grousspapp a seng Enkelin dreemen ...

  03. Abr 2018 - 08:50

  De Martin Luther King dreemt viru 55 Joer vun enger Gesellschaft ouni Rassentrennung. Seng Enkelin dreemt haut vun enger Gesellschaft ouni Waffen. Alles Utopie am Amerika vun haut?

• Wat fir en Zesummeliewen an de Gemenge wëlle mir?

  22. Mäe 2018 - 08:50

  Integratiounskommissiounen an de Gemenge sinn obligatoresch.

• D'Politik an de Wuesstem: Kloertext oder Hypokrisie?

  20. Mäe 2018 - 08:50

  Gedanken iwwer e puer zentral Konzepter ronderëm d'Diskussioun iwwer Wuesstem zu Lëtzebuerg.

• Pub ou publics? Medien am Déngscht vun der Gesellschaft

  15. Mäe 2018 - 08:50

  An der Schwäiz gouf et eng intensiv Diskussioun iwwer déi ëffentlech-rechtlech Medien. Wéi steet et zu Lëtzebuerg ëm de Service public?