Invité:e vum Dag
Invité vum Dag
14 min
Mam Schouljoer 2005/2006 goung een neit Lycées-Konzept un den Départ, den "Neie Lycée", deen deemools an der Stad ugefaangen huet an haut zu Miersch établéiert ass a sech "Lycée Ermesinde" nennt. Haut an och de Samschdeg, 28. Mäerz invitéieren d'Direktioun, d'Proffen an all d'Schüler aus dem Lycée den interesséierte Public op eng Porte Ouverte. Detailer iwwert de Lycée, wéi och iwwert déi zwee Deeg Porte Ouverte ginn et vum Direkter vum Lycée Ermesinde, dem Jeannot Medinger am Gespréich mam Luc Melsen.(Rediff. um 13:10)07.59 Meteo
Episoden

Charles Goerens
Wat ass d'Strategie vum Donald Trump? Den DP-Europadeputéierte kommentéiert eng Woch, am Laf vun där d'Welt eng aner ginn ass.

Tania Brugnoni
Froen un déi nei Directrice vum Nationalmusée, déi den 1. Januar d'Successioun vum Michel Polfer un der Spëtzt vum MNAHA iwwerholl huet.

Christelle Diederich
D'Tageblatt-Journalistin huet d'Nofolleg vum Petz Lahure un der Spëtzt vu Sportpress.lu, dem Verband vun de Lëtzebuerger Sportjournalisten, iwwerholl.

Marco Boly
Den Direkter vun der Gewerbeinspektioun (ITM) reagéiert op Kriticke vun Deeler vum Patronat un der Aarbecht vu senger Verwaltung.

Tilly Metz
Den Earth Overshoot Day, den Aarbechtsprogramm vun der EU-Kommissioun an déi nei global Sécherheetsarchitektur sinn Theemen am Gespréich mat der grénger Europadeputéierter.

Vanessa Schetgen a Joëlle Damé
Déi zwou Enseignantsgewerkschaften SNE/CGFP an SEW/OGBL schloen zanter Méint Alarm, well d'Léierpersonal iwwerlaascht ass. Mir froe si, wat sech muss änneren.

Claude Wiseler
Droen dem ADR-Deputéierten Tom Weidig wéinst senger queerfeindlecher Äusserung Konsequenzen an der Chamber? Mir froen de Parlamentspresident.

Sylvain Hoffmann
Muss een d'Salariéë besser virum Klimawandel schützen? Doriwwer schwätze mir mam Direkter vun der Chambre des Salariés.

Chris Roller
Wéi eng Gesondheetspolitik erwaarden d'Doktere sech vun der Regierung? Mir froen deen neie President vun der Dokteschassociatioun AMMD.

Sam Tanson
Mir froen d'Fraktiounscheffin vun déi gréng, firwat hir Partei sech fir méi bëllege Stroum asetzt.

Martine Kleinberg
D'Co-Fondatrice a Presidentin vun der ASBL Jewish Call for Peace schwätzt iwwer Schwieregkeeten, déi ee begéint, wann een déi israeelesch Palästina-Politik kritiséiert.

Taina Bofferding
D'Aarbechte vun der Caritas-Spezialkommissioun an d'Ofdreiwungsgesetz sinn Theemen am Gespréich mat der Fraktiounspresidentin vun der LSAP.

Marion Zovilé-Braquet
D'CSV-Buergermeeschtesch vu Conter äussert sech zu de Reprochë vu Mobbing an toxeschem Aarbechtsklima mat deene si an de leschte Méint konfrontéiert war.

Henri Reding
Wat géifen US-Stroftaxen op europäeschem Stol fir Arcelor Mittal Lëtzebuerg bedeiten? Ë. a. dat freet de Maurice Molitor den Henri Reding, Chef vun de Lëtzebuerger Aktivitéite beim Stolkonzern.

Bob Steichen
De Maurice Molitor schwätzt mam Buergermeeschter vun Ettelbréck iwwer Sécherheets- a Verkéiersproblemer a senger Gemeng.

Tom Theobald
De Brexit ass fënnef Joer al. Huet déi Lëtzebuerger Finanzplaz dovu profitéiert? Dat freet d'Christiane Kleer de Generaldirekter vun der Promotiounsagence Luxembourg for Finance.

Steve Heiliger
Mat wéi enge Fuerderungen ass d'CGFP an d'Verhandlunge fir den neien Accord salarial gaangen, a firwat krut si sech net méi duerchgesat? Dat freet d'Christiane Kleer de Generalsekretär vun der Staatsbeamtegewerkschaft.

Stéphanie Zimmer
Wéi kann eng nohalteg Liewensmëttelproduktioun ausgesinn, déi all d'Acteuren un een Dësch bréngt? Déi Fro stellt d'Institut fir biologesch Landwirtschaft IBLA a lancéiert een entspriechende Projet. Froen un hir Direktesch.

Marc Wengler
Mam Generaldirekter vun der CFL schwätzt d'Christiane Kleer iwwer déi grouss Projeten, déi d'Eisebunnsgesellschaft sech virgeholl huet, an iwwer d'Ambitioun, den Erwaardunge vum Client gerecht ze ginn.
