Voices vum Max Richter

Max Richter

Den 10. Dezember 1948 declaréieren d'Vereenten Natiounen déi allgemeng Charta vun de Mënschrechter. Dës Charta huet de brittesche Komponist Max Richter fir seng nei Kompositioun "Voices" inspiréiert, eng Commande vum Londoner Barbican Center, déi am Februar eng éischte Kéier opgeféiert gouf.

Dobäi vermëttelt de Projet senge Nolauschterer de Message vun Hoffnung a Fridden, an dëst an Zäiten, déi fir eis all nei an ongewéinlech sinn. Nach am Abrëll war vum Max Richter dat ronn aacht Stonne laangt Wierk "Sleep" a méi wéi 20 Länner iwwerdroe ginn.
 
"Voices" gëtt um internationalen Dag vun de Mënscherechter, den 10. Dezember, am Reseau vun der Union Européenne de Radio-Télévision diffuséiert. Ze erliewe sinn de Max Richter a säin Ensemble, dirigéiert vum Robert Ziegler, d'Geiistin Viktoria Mullova, d'Sopranistin Grace Davidson an d'Schauspillerin Sheila Atim als Erzielerin.
 
Dësen Donneschdeg, owes um 8 Auer - och um radio 100,7

Foto: CC BY-SA 3.0 WikiMedia / Henry W. Laurisch

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen