Nei Serie: poesik

jr-korpa-GQeSfSWmXvI-unsplash.jpg

Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Wann de Georges Brassens "Il n'y a pas d'amour heureux" séngt, vergiessen déi meescht, datt dat e Gedicht vum Louis Aragon ass. A wie weess, datt d'Titele vun op d'mannst zwee Albume vum Grupp U2 vum William Blake kommen?

An der éischter poesik steet dem Baudelaire säi Gedicht "Spleen" um Programm, dat vum bekannte franséische Sänger Léo Ferré vertount gouf. 

Déi zweet Emissioun beschäftegt sech mam Gedicht "La ballade des pendus" vum Villon, dat vum franséische Sänger Serge Reggiani vertount gouf, mee och den däitsche Liddermécher Wolf Biermann ass do net wäit ewech.

An der drëtter Emissioun vu poesik steet am Mëttelpunkt d'Zesummenaarbecht vum italieeneschen zäitgenëssesche Komponist Luciano Berio an dem Poet Edoardo Sanguineti, déi zesummen d'Wierk "Laborintus 2" geschaaft hunn.

poesik, ëmmer freides um 13:15 hei um radio 100,7. Eng Serie vum Jean Portante

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen