Eng orange Warnung (also den zweethéchsten Niveau) war am Mëttwochmëtteg ausgeruff ginn.
D‘Peegele vun de betraffene Flëss sinn nees erofgaangen. Am meeschte betraff war d‘Uelzecht - déi war op e puer Plazen iwwer déi orange d‘Côte de vigilance geklommen - dorënner am Pafendall, zu Hesper, zu Steesel an zu Miersch, wou se no un déi rout Côte de vigilance erukoum.
40 Liter op de Meterkaree
Fir dat ganzt Land gëllt wéinst dem Reen da bis de Donneschdegmëtteg um 2 eng giel Alerte - et si bis zu 40 Liter op de Meterkarree méiglech, esou Meteolux.
