Hien géif d’Wäerter vun der ADR op ganzer Linn vertrieden, esou den zukünftegen Deputéierte Michel Lemaire. Och dem Fernand Kartheiser seng Positioun zu Russland fënnt hie gutt. Et misst een méi den Dialog sichen, esou de Michel Lemaire:
"Et gëtt oft sou duergestallt, wéi wann de Fernand Kartheiser do hannen hinner geet an hinne fléift oder hinnen iergendwéi positiv entgéint kënnt"
Hien ass der Meenung, datt de Lëtzebuerger Europadeputéierte géif haart Diskussiounen a Russland féieren.
De Fernand Kartheiser war ënner aanerem wéinst pro-russesch-Aussoe aus senger senger riets-konservativer Fraktioun, der EKR, am Europaparlament ausgeschloss ginn.
Hien hat ënnert anerem een Interview an enger russescher Zeitung ginn an deem hien d'EU Sanktiounen ugeprangert hat.
ADR-Norddeputéierte
De Michel Lemaire réckelt den 19. November fir de Jeff Engelen um Krautmaart no.
Hien louch bei de Chamberwalen 2023 op der Lëscht am Norden eng Plaz hannert dem Jeff Engelen, an hat den Anzuch an d’Chamber deemools knapps verpasst.
