Vun der Regioun Luhansk kontrolléiert Russland den Ament ronn 70 Prozent. Den ukrainesche President Wolodymyr Selenskyj huet ausgeschloss, datt d'Ukrain den Donbas am Kader vun engem Friddensaccord géif opginn.
Russland géif virum Trump-Putin-Treffen eng nei Offensiv virbereeden. Dem Wolodymyr Selenskyj no hätt Moskau op dräi Deeler vun der Front Zaldoten zesumme bruecht. Op e puer Plaze wier et der russescher Arméi och scho gelongen, ronn 10 Kilometer méi wäit an ukrainesch Gebidder eranzekommen.
Selenskyj reest fir Treffen mat europäsche Staats- a Regierungscheffen op Berlin
Op Initiativ vum däitsche Kanzler Friedrich Merz schwätzen haut um Mëttwoch e puer europäesch Staats- a Regierungscheffen, dorënner och de Luc Frieden, iwwer Videokonferenz mam Donald Trump. De Wolodymyr Selenskyj reest fir dës Konferenz op Berlin, wéi säi Büro matdeelt.
D'Europäer fäerten, datt den Donald Trump an de Wladimir Putin op hirem Treffen e Freideg an Alaska als Konditioun fir e Waffestëllstand tëschent Russland an der Ukrain festhale kéinten, datt d'Ukrain sech vu Gebidder trenne misst, déi vu Russland besat goufen.
Putin: Russesch Iwwernam vum Donbas
Russland huet matgedeelt, datt déi europäesch Virgespréicher ouni Bedeitung wieren. De russesche President hat an der Vergaangenheet schonn eng komplett russesch Iwwernam vum Donbas als Konditioun fir en Enn vum Krich genannt.
