D'Hamas leent déi Propos bis elo awer of. Den Text wier vun den USA zu Gonschte vun Israel ugepasst ginn a géif net deem entspriechen, wat ofgemaach gi war, esou e Spriecher vun der radikal islamistescher palästinensescher Organisatioun.
Israeelesch Attacken am Libanon
Israel huet hënt op en Neits Ziler vun der Hisbollah-Miliz am Libanon aus der Loft ugegraff. Op d'mannst eng Persoun wier dobäi ëm d'Liewe komm, a 16 Leit wiere blesséiert ginn, esou de libanesesche Gesondheetsministère. Do virdrun hat Israel den Dënschdeg den Owend schonn Hisbollah-Positiounen am Süde vum Libanon ugegraff, bei deene véier Leit ëm d'Liewe koumen. D'Hisbollah hat duerno Géigenattacken op Israel lancéiert.