Noriichten

/ Vun Oktober u flitt och Luxair eemol an der Woch op Abu Dhabi

Fluchverkéier

| 14.01.2026 - 16h40

1 min

Vun Oktober u flitt och Luxair eemol an der Woch op Abu Dhabi

Luxair annoncéiert eng nei Destinatioun: vun Oktober u flitt déi Lëtzebuerger Fluchgesellschaft emol d‘Woch een Aller-Retour op Abu Dhabi, d‘Haaptstad vun de Vereenten Arabeschen Emiraten. Dat huet Luxair zum Optakt vum Festival Vakanz matgedeelt.

1 min

(Foto: picture alliance / NurPhoto | Joan Valls)

D'Annonce kënnt kuerz nodeem d'Fluchgesellschaft Etihad um leschte Weekend annoncéiert huet, dräi mol pro Woch vum Fluchhafe Findel op Abu Dhabi ze fléien.

Wéinst der staarker a konstanter Demande fir Dubai, dat 2021 als Destinatioun agefouert gi war, wier Abu Dhabi elo den nächste logesche Schrëtt, heescht et am Communiqué vun der Luxair.