Allerdéngs huet de Geert Wilders esou gutt ewéi keng Chancen, Premier ze ginn. Dat well déi aner grouss Parteien eng Koalitioun mat him ausschléissen.
Déi zweetstäerkst Partei an de Sondage ass den Ament déi lénks orientéiert Allianz Groenlinks/PvdA ënner dem fréieren EU-Kommissär Frans Timmermans.
Gutt Chancen huet an de Sondagen och d‘Mëtt-Riets-Partei CDA ënner dem Henri Bontenbal, deen als "rising star" vun der hollännescher Politik gëllt.
Déi aktuell hollännesch Regierungs-Koalitioun vu véier Parteie war am Summer zerbrach wéinst engem Sträit iwwer d‘Immigratiounspolitik.
Mir froen d'Journalistin Ulrike Nagel, wéi ee Resultat d'Sondagë fir d'Wale vun haut viraussoen.
