D‘EU Tribunal soll soen, ob d‘EU Kommissioun d‘Recht hat, enger amerikanescher Journalistin vun der New York Times den Accès zu deenen SMSen ze refuséieren. D‘EU-Kommissioun huet de Refus mat der Behaaptung begrënnt, si géif d‘SMSen net besëtzen, well se net als ëffentlech Dokumenter archivéiert gi wieren.
D‘SMSen tëschent der Ursula von der Leyen an dem Pfizer Chef Albert Bourla si matzen an der Covid-Pandemie verschéckt ginn, zur Zäit wou Pfizer/BioNTech dee gréisste Fournisseur vu Covid-Vaccinen un d‘EU war.
D‘EU-Kommissioun hat am Numm vun de 27 EU-Länner Impfstoff-Kontrakter a Milliardenhéicht mat Pfizer ausgehandelt.
