Dem Riichter no kéint d‘Trump Administratioun awer weiderhin déi legal Immigratiounsgesetzer uwenden an de Statut vun den Immigrant:innen iwwerpréiwen. D‘Leit dierfen awer weder festgeholl nach deportéiert ginn. Leit déi vun ICE festgeholl goufen, missten deemno nees op fräie Fouss.
D‘Immigranten hätten d‘Recht sech an den USA opzehalen, do ze schaffen a sech fräi ze beweegen ouni Angscht festgeholl ze ginn. Op X huet de radikale politesche Beroder vum Donald Trump Stephen Miller scho reagéiert a gemengt d‘Demokratie géif op en Neits vun der Justiz sabotéiert ginn.
Zwee ICE-Agente suspendéiert
Déi zwee ICE-Beamten, déi den Alex Pretti erschoss hunn, goufen iwwerdeems vun hirem Déngscht suspendéiert.