Wéinst engem sozial Konflikt iwwert d‘Salairen huet d‘Fluchbegleedungspersonal vun der gréisster kanadescher Fluggesellschaft an der Nuecht vu Freideg op Samschdeg d‘Aarbecht néiergeluecht.
Honnerte Flich goufen annuléiert, eng 130.000 Passagéier si betraff.
Déi kanadesch Aarbechtsministerin Patty Hajdu huet d‘Personal opgeruff, nees schaffen ze goen. An déi federal Regierung huet en onofhängegt Mediatiounsorgan agesat, fir de Sträit tëschent der Fluchgesellschaft an der kanadescher Gewerkschaft fir den ëffentlechen Déngscht ze léisen.
Air Canada sot, datt hir Fligeren op d‘mannst nach bis de Sonndegmëtteg um Buedem bleiwen.
