"Mir wäerte gesinn, wat geschitt", sot den Donald Trump virun amerikanesche Journalisten. Virun e puer Deeg hat hien ugekënnegt, hie géif säi Spezial-Emissär Steve Witkoff Mëtt der Woch op Moskau schécken, fir mat russesche Vetrieder iwwer en Enn vum russeschen Aggressiounskrich géint d'Ukrain ze schwätzen.
Dem Donald Trump säin Ultimatum u Russland leeft am Prinzip iwwermuer of. Hien huet dem russesche President Wladimir Putin bis dohin Zäit ginn, ee Waffestëllstand an der Ukrain unzehuelen. Wann dat net geschitt, huet den Trump mat héije Stroftaxe géint Handelspartnere vu Russland gedreet.
