Dat geet aus den neie Projektiounen ervir, déi de Statec elo un de Finanzministère geschéckt huet, en vue vum Staatsbudget, deen de Finanzminister Gilles Roth Ufanks Oktober soll deposéieren.
De PIB géif dëst Joer ëm 1,5 Prozent klammen an och d‘nächst Joer soll d‘Ekonomie weider wuessen. De Chômage par conter soll rëm klammen, 2026 soll en erëm iwwer 6 Prozent leien. Den Emploi soll net méi wéi 2 Prozent an d‘Luucht goen.
De Finanzsecteur bleift de Motor vun der Lëtzebuerger Ekonomie, an deen huet seng Resultater och am éischte Semester dëst Joer rëm verbessert. Am Bausecteur awer ass d‘Aktivitéit nach ëmmer réckleefeg.