arrow_back_ios

Noriichten

Noriichten

/ Russland wéinst Violatioun vu Mënscherechter an der Ukrain verurteelt

Europäesche Mënscherechtshaff

|
reading time

1 min

Russland wéinst Violatioun vu Mënscherechter an der Ukrain verurteelt

Um Mëttwochmoien huet den Europäesche Mënscherechtshaff Russland wéinst Violatioun vu Mënscherechter am Aggressiounskrich géint d’Ukrain verurteelt. Dobäi kënnt d’Zerstéierung vum Vol MH17 virun 11 Joer.

reading time

1 min

Europäesche Geriichtshaff fir Mënscherechter zu Stroossbuerg | © picture alliance / epd-bild | ARTIS - Uli Deck
Europäesche Geriichtshaff fir Mënscherechter zu Stroossbuerg (Foto: picture alliance / epd-bild | ARTIS - Uli Deck)

Russland wier schëlleg gesprach ginn, ukrainesch Zivilisten an Zaldoten exekutéiert a gefoltert ze hunn. 

Grouss russesch Loftattacken

Russland huet an der Nuecht op e Mëttwoch déi gréisste Loftattacken op d’Ukrain lancéiert zënter dem Ufank vum Krich am Februar 2022.

Kiew seet, Russland hätt méi wéi 700 Kampfdrone fortgeschoss - déi meescht hätte kënnen interceptéiert ginn.

USA nees bereet fir Waffeliwwerungen  

Iwwerdeems schéngt den amerikanesche President Donald Trump erëm bereet, méi Waffen un d‘Ukrain ze liwweren. Dorënner och e weidere Patriot-Loft-Ofwier-System, esou de Wall Street Journal. 

Den ukrainesche President Wolodymyr Selenkyj sot, d‘Ukrain wéilt nees méi intensiv Gespréicher mat den USA féieren, an den Donald Trump géif sech oppe weisen, fir Waffeliwwerungen, déi hie gestoppt huet, nees ze erlaben.

Den ukrainesche President Wolodymyr Selenskyj ass um Mëttwoch fir eng Visitt zu Roum ukomm. Do soll hien eng Entrevue mam Poopst Leo a mam italieenesche President Sergio Matarella hunn.