Et ass fir déi meeschte Leit net onbedéngt einfach, déi beschte Léisung als Heizungsersaz ze fannen. Ëm d‘Wäermepompel gouf déi lescht Méint a Joren deelweis ganz kontrovers diskutéiert. Fir et dann nach méi komplizéiert ze maachen, gëtt et net fir all Gebai déi eng richteg Léisung.
De Paulo Faim ass Installateur vu Wäermepompelen. Hie setzt sech dagdeeglech mat de Froen auserneen, déi d‘Leit sech virum Kaf vun enger Wäermepompel stellen. Entgéint der Erwaardung vu Villen, kënne Wäermepompelen och an alen Haiser installéiert ginn, betount de Paulo Faim. A se maachen och net esou vill Kaméidi, wéi dacks gefaart gëtt.
D‘Installatioun géif och ëmmer méi Leit interesséieren, erkläert iwwerdeems de Christian Reuter vun der Handwierkerfederatioun.