De Spriecher vum chineeseschen Ausseministère sot de Moien zu Peking, d’Situatioun an der Ukrain misst sou séier wéi méiglech berouegt ginn, an et misst séier zu engem Waffestëllstand an zu enger politescher Léisung kommen. De Kreml huet iwwerdeems gemengt, den US-President Joe Biden géif Ueleg op d’Feier geheien, andeems hien ukrainesch Rakéitenattacken op Russland erlaabt. An der ukrainescher Hafestad Odessa sinn de Moien op d’mannst 8 Leit duerch eng russesch Rakéitenattack gestuerwen.
An der ukrainescher Hafestad Odessa sinn um Méindegmoien op d’mannst 8 Leit duerch eng russesch Rakéitenattack gestuerwen. Donieft wären 18 Persoune blesséiert ginn, 4 dovu méi uerg. D’russesch Rakéit hat an engem Wunn-, respektiv Geschäftsquartier ageschloen.