OGBL fir eng Verankerung vum Recht op Ofdreiwung an d’Verfassung
De Fraen-Departement vum OGBL schléisst sech de Revendicatioune vun den Organisatiounen un, déi eng Verankerung vum Recht op Ofdreiwung an der Verfassung fuerderen. Dat deelt d’Gewerkschaft an engem Communiqué mat.
De Slogan "My body my choice" deen dofir steet, datt Fraen an Transgender Mënschen e Recht drop hunn, iwwer hiren eegene Kierper ze bestëmmen (Foto: EPA/CLEMENS BILAN)
Den Accès zu Ofdreiwung ass e fundamentaalt Recht, an de Fraen-Departement vum OGBL géif och déi parlamentaresch Initiativ ënnerstëtzen, fir d‘Recht op Ofdreiwung an d‘Verfassung ze schreiwen, esou e Communiqué vum OGBL sengem Departement Fraen.
Si ruffen all Deputéiert op, Courage ze weisen a sech där Fuerderung och unzeschléissen. Den OGBL géif och d‘Initiativ vum Planning Familial ënnerstëtzen, fir sech e Méindeg de Moie virun der Chamber ze rassembléieren.
