D‘Debatt war an der Lescht bëssen ofgeklongen. Elo, mat dëser neier Initiative fir e Spezialemissär ze ernennen, gëtt se relancéiert.
Den neie Spezialemissär Jeff Landry huet op X geschriwwen, datt et fir hien eng Éier wier, dozou bäizedroen, datt Grönland en Deel vun den USA géif ginn.
Den däneschen Ausseminister huet d‘USA opgefuerdert, déi territorial Integritéit vu Grönland ze respektéieren. D‘Nominatioun vun engem Spezialemissär wier komplett inacceptabel. Dänemark huet den amerikaneschen Ambassadeur zu Kopenhage convoquéiert.
