Vun dësem 29. August u ginn et nämlech op alle Wueren, egal wéi héich hire Wäert ass, Douanestaxen. Bis elo huet dat net fir Päck am Wäert vun ënner 800 Dollar gegollt.
Well d’Detailer vun deene Reegelen eréischt kuerzfristeg bekannt gemaach goufen an nach ëmmer Onkloerheete bestinn, huet d’POST decidéiert d’Sendunge scho vu muer un ze stoppen, fir datt näischt am System hänke bleift. Fir d’Cliente vun der POST géif sech awer eigentlech näischt änneren, erkläert de Mario Treinen, Direkter vu POST Courrier.
Als Iwwergangsléisung bitt d’POST zesumme mam Partner DHL eng Express-Optioun un. Domat kënnen d’Clienten hir Päck weiderhin an d’USA verschécken.
D’Verschécke vu Bréiwer an d’USA bleift wéi gewinnt iwwerall méiglech.
