Mëttlerweil ginn et iwwer 450 Veräiner a Schoulen, déi matmaachen. Aus deem Grond gouf elo eng nei Plattform ausgeschafft: guttsaach.lu
Fir méi Ressourcen zougänglech
Den Direkter vum Schëfflenger Recyclingzenter Patrick Falkenstein hofft, datt déi nei App d'Initiativ wäert ënnerstëtzen - d’Kommunikatioun iwwer WhatsApp wier einfach ze komplizéiert ginn, esou den Direkter.
“Et soll eng grouss Vernetzung entstoen, well déi Plattform ass oppe fir aner Ressourcenzenteren, fir Betriber, Ministèren an Administratiounen, déi gewëllt si matzemaachen a Material zu Verfügung ze stellen.”
D'Initiativ geet vum Gemengesyndikat SIVEC aus. Nieft Esch a Schëffleng gehéieren och nach Monnerech, Recken a Suessem zum SIVEC.
Den Escher Buergermeeschter huet iwwerdeems preziséiert, datt de Recyclingzenter nach weider ausgebaut soll ginn. De Käschtepunkt läit bei 10 Milliounen Euro.
