D’Zuel ass bal d’selwecht bliwwen am Verglach mam Joer virdrun. Fir Médecins du Monde weist dat, wéi wichteg eng generell Aféierung vun der CUSS (Couverture universelle des soins de santé) wier.
Spéit Diagnosen a méi héich Käschten
Den Éierepresident vu Médecins du Monde Lëtzebuerg, den Dokter Bernard Thill, erkläert, datt e Manktem u Gesondheetsversuergung dacks dozou féiert, datt Krankheete méi spéit erkannt a behandelt ginn.
„Ne pas avoir de couverture de soins de santé ou avoir une couverture insuffisante expose au risque de diagnostic et de traitement tardif avec parfois des complications majeures nécessitant des interventions chirurgicales ou des soins intensifs.“
Et géif en enke Lien ginn tëschent Aarmut a Gesondheet, esou d’Médecins du Monde, fir déi och d’Wunnengsnout e grousse Problem duerstellt: Wie keen Daach iwwer dem Kapp huet, wier besonnesch ufälleg, fir krank ze ginn.
An deem Zesummenhang verlaangt d’ONG och, datt d’Wanteraktioun eng permanent Ariichtung gëtt, wou Sans-abrien 365 Deeg am Joer kënnen ënnerkommen.
Geschriwwe vun der Emma Hizette.
