Et géif ee gemeinsame Wëllen, fir bis Enn des Joers ee Budget ze stëmmen, esou de Sebastien Lecornu. Säin Optimismus gëtt allerdéngs gedämpt duerch d‘Ausso vum Chef vun de Sozialisten: Den Olivier Faure huet no de Gespréicher bedauert, datt de Lecornu him keng Garantie ginn hätt, datt déi ëmstridde Pensiounsreform – wéi vum PS gefuerdert – zeréckgezu géif ginn. Dat ass allerdéngs eng rout Linn fir d‘Droite a fir een Deel vum Camp vum President Emmanuel Macron.
De Sebastien Lecornu huet nach bis den Owend vum President Emmanuel Macron Zäit kritt, fir eng Léisung ze fannen. Um 8 Auer den Owend soll den demissionäre Premier sech am Journal op France 2 äusseren.
