Noriichten

/ Keng Präisshausse fir Passagéier wéinst Nobesserungen un der Pist um Findel

lux-Airport

| 02.09.2025 - 15h19

1 min

Keng Präisshausse fir Passagéier wéinst Nobesserungen un der Pist um Findel

D'Käschten, déi duerch Reparaturen an Nobesserungen un der Pist um Findel entstinn, sollen net op d‘Passagéier ofgewéckelt ginn. Dat geet aus der Äntwert vun der Mobilitéitsministesch Yuriko Backes op eng parlamentaresch Fro zum Theema vun der ADR ervir.

1 min

Symbolfoto. (Foto: Bigstock)

De Bedreiwer lux-Airport géif d'Käschten droen. Deemno sollen d'Präisser fir Fligerticketen doduerch net klammen, esou nach d'Ministesch.

lux-Airport hat d'Start- a Landebunn um Findel fir ronn 150 Milliounen Euro sanéiere gelooss. D‘Resultat entsprécht awer net den Erwaardungen. lux-Airport hat ugekënnegt, all Méiglechkeeten ze préiwen, dorënner och eng Klo.