/ Keen neie generelle Bewäertungssystem fir Staatsbeamten an dëser Legislaturperiod
D‘Regierung gëtt der Fuerderung vun der Staatsbeamtegewerkschaft CGFP no: An dëser Legislaturperiod soll kee Gesetzesprojet méi iwwer een Erëm-Aféiere vun engem generelle Bewäertungssystem beim Staat deposéiert ginn. Dat mellen de Staatsministère an de Ministère vun der Fonction publique no enger Entrevue mat der CGFP.
1 min
D'Zil wier et fir Ängschte par rapport zum Anhale vum Gehälteraccord an der Fonction publique aus de Féiss ze raumen, heescht et.
Am Accord salarial vun Dezember 2022 ass virgesinn, datt d'Bewäertung am ganzen ëffentlechen Déngscht sollt verschwannen. Well dat awer net fir d'Arméi gëllt, hat d'Staatsbeamtegewerkschaft Enn Abrëll eng Protestaktioun organiséiert.