Dobäi misst een awer ënnersträichen, datt d’Zuel vun de Passagéier an Tëschenzäit an d’Luucht gaangen ass. Och hätt et Changementer ginn am System vun de Meldungen. Een neien digitaliséierte System, den Tool INCIDEL, gëtt elo genotzt fir all Zort vu Virfäll systematesch ze mellen. D’Meldungsprozedur gouf iwwerdeems vereinfacht.
A wann d’Zuel vun den Tëschefäll um Reseau vun den CFL geklommen ass, wier d’Zuel vun de schwéiere kierperlechen Aggressiounen net am selwechte Mooss eropgaangen. Verschidde Kategorië géifen esouguer ee markante Réckgang weisen.
Späizen a kierperlech Ugrëff ginn zeréck
D’Zuel vun de gemellte Virfäll vun Uspaïze géint CFL-Mataarbechter vun 23 am Joer 2024 ass op 9 Fäll zejoert erofgaangen. Och d’Zuel vun de kierperlechen Ugrëff mat Blessure wier am selwechten Zäitraum vun aacht op zwee Fäll erofgaangen.
Hei fannt der déi ganz Äntwert op d'parlamentaresch Fro.
