Déi annoncéiert Mesurë wieren hallefhäerzeg Kompromësser a géifen de Rentesystem net nohalteg sécheren. D'Regierung géif Symbolpolitik maachen an d'Laascht op déi jonk Leit verréckelen.
Zu den eenzele Mesuren, déi d'Regierung proposéiert, soen d'Jonk Demokraten ënner anerem: D'Verlängerung vun de Cotisatiounsjoren ëm 8 Méint bis 2030 géif just eng kleng Unzuel u Leit kuerzfristeg treffen a bal keng Entlaaschtung fir de System bréngen. An d'Erhéijung vun de Cotisatiounen ëm jeeweils 0,5 Prozent fir Salariéen, Patronen a Staat, wier just eng marginal Upassung ouni strukturellen Effekt, esou d'Jonk Demokraten.
