Fir Amusement am Netz hat awer eng aner Breakerin gesuergt. Déi australesch Wëssenschaftlerin Rachael Gunn, mam Kënschtlernumm Raygun, koum mat null Punkten op déi leschte Plaz am Wettkampf. Si hat sech bei hirer Prestatioun beispillsweis um Buedem gewänzelt oder ass ronderëm gehopst ewéi e Känguru. A gouf domat eng viral Sensatioun.
Am Medailespigel leien d‘USA a China iwwregens elo mat jeeweils 33 Goldmedaile gläichop.