Am Ganze waren Enn Juni nach eng 350 Citroen C3 an DS3 Gefierer betraff. D‘Besëtzer kruten een offizielle Bréif vun den zoustännegen Autoritéiten, fir den Airbag op Käschte vum betraffenen Autoskonzern Stellantis – also gratis – ersetzen ze loossen, esou de Minister.
Iwwer d‘Hallschent vun de Leit sinn deem Opruff also nach net nokomm.
Déi defekt Airbags vun Takata haten a Frankräich zu déidleche Verkéiersaccidenter gefouert. Zënterdeem gouf et eng gréisser Réckruffaktioun.
