Mam politesch neutrale Rapport, deen d'Kommissioun ausgeschafft an e Mëttwoch ugeholl huet, kéint een elo an der Chamber an den Debaten den 10. Juli politesch un den Dossier erugoen, esou de Charel Weiler.
"De Rapport, dee mir hei hunn, ass jo bëssen een neutrale Rapport, wou ech och ganz frou sinn, datt mir ee Konsens do fonnt hunn. E Rapport, wou jidderee sech erëmfanne konnt. An déi politesch Interpretatioun vun deem Rapport, dee wäerte mir d’nächst Woch an der Chamber gesinn an ech erwaarde mir do flott Debatten an ech freeë mech drop."
De Charel Weiler begréisst iwwerdeems, datt d'Regierung sech scho mat der FEDAS zesummegesat huet, fir Piste fir de Sozialsecteur auszeschaffen, ouni op de Rapport vun der Kommissioun ze waarden. An dësem Dossier misst een nämlech séier agéieren, esou nach de Charel Weiler.
