Mëttlerweil huet Kanada eng geplangten Digitalsteier fir grouss Techkonzerner (DST) fale gelooss. Dat war nämlech de Grond, wisou den Donald Trump d'Verhandlunge gestoppt hat. Déi Steier hätt u sech dëse Méindeg sollen a Kraaft trieden.
Den Donald Trump hat déi Steier en "direkten Ugrëff op d'USA" genannt. Kanada géif mat där Steier déi Europäesch Kommissioun kopéieren. Mat der EU lafen dozou Gespréicher.
Kanada an d'USA wëlle bis zum 21. Juli zu enger Eenegung kommen.
