Noriichten

/ Gréisser Tuning-Kontroll an der Stad

Police

24 Aug. 2024 - 12h24

Gréisser Tuning-Kontroll an der Stad

D’Police huet eng gréisser Tuning-Kontroll duerchgefouert. Dobäi gouf an der Stad kontrolléiert, ob eventuell technesch Modifizéierunge virlouchen an ob se konform sinn an an de Pabeieren agedroe goufen. Ännerunge bei der Fiederung, dem Auspuff, oder Deeler déi d’Kaméidi-Belästegung erhéije goufen ënnert d’Lupp geholl.

1 min

Foto: Police

23 Gefierer, dovunner 3 Motorrieder goufe bei den techneschen Atelier vun der Police zu Hamm gefouert.

Ënner anerem Experte vun der Kontrollstatioun SNCA hunn d’Gefier do iwwerpréift.

Een Auto huet missten op der Plaz stoe gelooss ginn, 3 aner Gefierer goufen ofgeschleeft a fir 10 Chauffere gëtt et d’Obligatioun de Won nees an d’Rei ze setzen an der Police d’Reparaturen ze weisen.