Et wier dofir och net verwonnerlech, datt béid Länner am Kontext vum Irankrich fir eng diplomatesch Léisung plädéiere géifen.
Vill oppe Krisen
De Grand-Duc huet sengersäits den ekonomeschen, ewéi och de kulturellen Austausch tëschent Lëtzebuerg a Spunie gelueft. Déi aktuell weltwäit Krise géifen oppen Ekonomien, déi op de Rechtsstaat opgebaut sinn, méi vulnerabel maachen an op d’Prouf stellen, esou de Grand-Duc Guillaume.
“Global Spannungen, een Ugrëffskrich op engem Kontinent, wirtschaftlech Onsécherheet a klimabedéngt Krise stellen eis kollektiv Fäegkeet, déi Grondsätz oprechtzeerhalen, op d’Prouf. Wann d’Grondreegele vum géigesäitege Respekt a Vëlkerrecht mëssuecht ginn, da ginn oppe Gesellschaften an oppen Ekonomien, déi op fräiem Handel a Rechtsstaatlechkeet berouen, méi ufälleg.”
De Grand-Duc Guillaume an d’Grand-Duchesse Stéphanie sinn haut a muer op Visitt a Spuenien. Dat op Invitatioun vun der Spuenesch Kinnekskoppel.
Mat vun der Partie bei dëser Visitt sinn den Ausseminister Xavier Bettel, de Finanzminister Gilles Roth an de Wirtschaftsminister Lex Delles. De Xavier Bettel wäert säin Openthalt wéinst de Rapatriementsflich aus dem Noen a Mëttleren Osten awer verkierzen a kënnt den Owend dofir schonn zeréck.
