De Parquet hat wéinst ënnerloossen Hëllef ee Joer Prisong mat Sursis an eng ugemoosse Geldstrof fir deen 39 Joer ale Mann verlaangt.
Noutruff no Iwwerdosis Medikamenter
De Fall geet op zwee Joer zeréck. Eng deemools 41 Joer al Fra hat den 112 geruff a matgedeelt, datt si ze vill Medikamenter geholl hätt. Si hat dobäi och gesot, datt den Owend schlecht ausgoe géif, wa si esou weiderfuere géif. Trotz deem Noutruff gouf keng Ambulanz geschéckt.
Fra véier Deeg méi spéit dout fonnt
Véier Deeg nom Noutruff ass d'Fra dout fonnt ginn. De Parquet hat dowéinst eng Verurteelung vum 112-Operateur wéinst ënnerloossen Hëllef gefuerdert.
