“Eis ass et wichteg, och an Zukunft Fënsteren hunn, déi eng 360 Grad-Vue erméiglechen!”. Dat äntwert de Christian Seidel vun der “Guilde luxembourgeoise des contrôleurs de la circulation aérienne” op Nofro hi schrëftlech.
De GLCCA-President betount, datt et flott ass, d’Kameraen ze hunn, déi dobäi kommen, fir datt et en hybriden Tower gëtt. Vu just engem virtuellen Tower aus wier et awer ni méiglech, de ganzen Trafic ze dirigéieren.
D’Fluglotsen an de Ministère haten d’lescht Woch e Kompromëss fonnt. Do virdru war eng Zäitchen dovu Rieds, datt e reng virtuellen Tuerm op de Flughafe komme sollt.
