Géint 8 Auer de Moie wier eng Geiselnam an engem Supermarché an der Avenue de Luxembourg zu Käerjeng gemellt ginn.
E puer Patrullen, dorënner eng Spezialunitéit vun der Police, wieren direkt op d‘Plaz gaangen. D‘Géigend ronderëm de Supermarché wier ofgespaart ginn. D‘Police huet am Supermarché alles iwwerpréift, mee et konnt näischt Aussergewéinleches festgestallt ginn.
Eng Enquête iwwer d‘Hannergrënn vun där Meldung vun enger Geiselnam gouf opgemaach.
