Dat bedeit an der Reegel och, datt d‘Banken och hir Zënsen op Prêten an Immobiliekreditter nach emol wäerten erofsetzen.
Déi nei Zënsbaisse war wéinst dem Réckgang vun der Inflatioun erwaart ginn. D’Inflatioun am Euroraum loung am August bei 2,2 Prozent. D’EZB strieft mëttelfristeg en Zil vun 2 Prozent un.
Weider imminent Zënsbaissen huet d’EZB Presidentin Christine Lagarde awer nach net an Aussiicht gestallt. Op enger Pressekonferenz de Mëtteg huet si och d’Wuesstemsprevisiounen an der Eurozon liicht no ënne revidéiert op 0,8 Prozent dëst Joer, an 1,3, respektiv 1,6 Prozent, d’nächst an iwwernächst Joer.
Als Grënn fir déi méi lues Reprise huet d’EZB Presidentin manner Konsum bei de private Stéit genannt an e Réckgang bei den Immobilieprêten an am Bausecteur.