D’Sascha Baillie encadréiert déi héich national Invitéen an de Grand-Duc Henri këmmert sech da selwer ëm déi héich auslännesch Invitéen.
“Wärend der Abdicatiounsceremonie wäert ech och esou eppes wéi eng Maître de Ceremonie sinn. Ech wäert do duerchféieren. Ech wäert och no der Signature vum Acte d'Abdicatioun déi och virliesen. Voilà, an da geet dat esou dee ganzen Dag och virun. An ech wäert ëmmer beim aktuelle Grand-Duc a beim neie Grand-Duc als Maréchal och ëmmer him zur Säit stoen.”
Jéngsten Ierfprënz
Mam Trounwiessel, bei deem de Guillaume Grand-Duc gëtt, kritt Lëtzebuerg net nëmmen ee vun dee jéngste Monarchen an der Welt, mee virun allem dee jéngsten Ierfprënz vun der Welt.
Den elo-5-Järege Prënz Charles kéint awer fréistens mat 18 Joer Grand-Duc ginn. D’Maréchale de la Cour - d’Sascha Baillie - erkläert am 100,7-Interview, wat dann am Fall géif geschéien, wann de Grand-Duc Guillaume net méi do wier, éier de Prënz Charles volljäreg wier.
“An eiser Verfassung ass virgesinn, datt eng Régence dee Moment géif antrieden. Da wäert deen, deen dee Moment den nächsten an der Trounfolleg ass, d’Régence iwwerhuelen an dat wier an deem Fall de Prënz Félix, bis datt dee Moment de Prënz Charles als Héritier groussjäreg ass an da kéint an de Rôle vu Grand-Duc kommen.”
