An de 16els-Finalle vum Dëschtennis-Simpel hat d’Ni Xia Lian wéi erwaart keng Chance géint d’Nummer 1 op der Welt Sun Yingsha. D’Chinesin huet sech am spéide Moie kloer 4:0 géint d’Lëtzebuergerin duerchgesat. Just am 3. Saz konnt d’Ni Xia Lian mat hirer jonker Géignerin mathalen.
A méi fréi am Moien hat d’Jeanne Lehair am Dammen-Triathlon missen opginn. Dee Moment war d’Lëtzebuergerin an engem zweete Grupp ënnerwee, ronn eng Minutt hannert dem Spëtzegrupp. D’Goldmedail war fir d’Cassandre Beaugrand aus Frankräich.