D‘Tigerméck, déi zënter Joren zu Lëtzebuerg nogewise gouf, kann tropesch Krankheete wéi Dengue, Chikungunya oder Zika iwwerdroen.
Klimawandel, Globaliséierung an hir Folgen
Zwee Faktore spillen eng Roll bei der Verbreedung vu Mustiken. De Klimawandel bedéngt méi waarm Wanteren a fiicht Fréijoren an Europa: Konditiounen ënnert deene sech dës kleng Déiere besonnesch gutt verbreeden. Den zweete Faktor ass d‘Globaliséierung. De Persounen- a Wuerentransport bedéngt, datt Mustiken an Europa importéiert ginn.
Verstoppe vun den Mustiken an hiren Eeër
D‘Tigerméck gouf 2018 fir d'éischt zu Stolzebuerg nogewisen. Zënterhier huet sech dës Aart zu Lëtzebuerg verbreet, mee dat besonnesch am Oste vum Land, virun allem un der Sauer an un der Our. Eng flächendeckend Bekämpfung vun de Mustike wier awer net néideg, seet d‘Conny Huberty vu der Inspection santicatire. Fir d‘Verbreede vun de Mustiken anzedämmen, sollt ee verhënneren, datt sech Waasser op Plazen, wéi an engem Blummendëppen usammelt. Et kann een och een Netz iwwert säi Reewaasserbehälter spanen.
Mat verschiddene Mëttelen de Mustiken op der Spur
Fir d’Verbreedung vun den Mustike besser ze verstoen, goufen zwee Instrumenter ob d‘Been gestallt. Dat éischt ass de Mustikenatlas, dee Karte mat der aktueller Verbreedung vun den Mécken zu Lëtzebuerg enthält. Dat zweet Instrument ass eng Mustiken-App, mat där een eng Foto vun enger Méck ka maachen, fir erauszefannen, ob et sech ëm eng invasiv Mustik handelt
Dësen Text gouf geschriwwe vum Carol Diederich.