De brittesche Premier Rishi Sunak huet versprach, datt Kiew vu London ënner anerem Dronen, Ofwierrakéiten a Munitioun géif geliwwert kréien.
Zu Washington kënnt den neien Hëllefspak fir d‘Ukrain haut an de Senat. Well d‘Demokraten do an der Majoritéit sinn, gëtt mat séierer Zoustëmmung gerechent. Dat nodeems d‘Representantenhaus de Pak vu ronn 61 Milliarden Dollar Hëllef fir d‘Ukrain, no méintelaangen Diskussiounen, ugeholl hat.
Selenskyj: Rakéitenofwiersystemer ginn dréngend gebraucht
Den ukrainesche President Wolodymyr Selenskyj huet a sengem Videomessage gëschter Owend widderholl: D‘Ukrain bräicht virun allem an dréngend elo Rakéitenofwiersystemer vum amerikaneschen Typ „Patriot“. Däitschland huet der Ukrain e weidere Patriot-System zougesot.
Beim Treffe vun den EU-Aussen- a Verdeedegungsministere gëscht zu Lëtzebuerg hu keng weider EU-Staate sech deem Schrëtt ugeschloss.