Zejoert gouf d'Jeanne Lehair zu Madrid a Spuenien Europameeschterin. Am Kader vun der World Triathlon Championship Series war si bei der leschter Course zu Hamburg an Däitschland, Mëtt Juli, déi Véiert ginn. Am November sot si, eng Medail zu Paräis wier e ganz gutt Resultat, an datt si mat deem, wat si zejoert gewisen huet, vun enger Top 8-Placéierung dreeme kéint.
Um 14:33 Auer da fänken déi zweet Olympesch Spiller vum Dressurreider Nicolas Wagner-Ehlinger un. Dat mat der Qualifikatioun. Deen 32-Joer alen Athleet ass zanter 2019 reegelméisseg bei Europameeschterschaften dobäi a war dat och 2022 bei de Weltmeeschterschaften. Dem Nicolas Wagner-Ehlinger säi Päerd heescht Quater Back Junior FRH.
Generatiounenduell am Dëschtennis
An um 11 Auer trëtt d'Ni Xia Lian fir hir 16.-Finall am Dëschtennis-Simple un. Géignerin an der Ronn vun de leschten 32 ass déi aktuell Nummer 1 op der Welt, d'Chineesin Sun Yingsha. Den Dënschdeg de Mëtteg huet déi iwwregens Gold am Dubbel mixed gewonnen.