Déi Reform wier längst iwwerfälleg, esou de Romain Wolff, deen och net mat Kritik un den Diskussioune ronderëm eng eventuell Pensiounsreform gespuert huet.
Och si als Chamber vun de Staatsbeamte wieren der Meenung, datt de Wieler virun de Walen net ganz d'Wouerecht gesot kritt hätt. Esou géing dat awer net goen.
"Wann een an d'Wale geet, da seet ee wannechgelift de Leit d'Wourecht. An dat heiten Theema, dat war keen Theema an deene ganze Walen."
"Mir sinn net ganz naiv"
Et hätt een och misse constatéieren, datt de Chef vum Groupe parlementaire vun der CSV am Kader vun dëse Reforme gesot hat, datt et sech do géif ëm de Privé handelen. D'Chamber vun de Staatsbeamte wier awer "net ganz naiv", esou de Romain Wolff.
"Mir sinn eis wuel bewosst, datt et hei natierlech net nëmmen ëm de Privé geet."
De Romain Wolff ass och President vun der Staatsbeamtegewerkschaft CGFP.