/ Caracas: Weider Protester no der ëmstriddener Walvictoire vum Nicolás Maduro
Am Venezuela gouf et weider Protester géint déi ëmstridde Presidentewal, bei där den aktuelle President Nicolás Maduro vum Walconseil als Gewënner deklaréiert gouf. D'Oppositioun bleift bei hirer Behaaptung, datt hire Kandidat Edmundo González d'Wal gewonnen hätt.
1 min
Dausende Leit waren den Dënschdeg Owend an der Haaptstad Caracas nees op de Stroossen fir d'Oppositioun ze ënnerstëtzen.
Bei de Protester virgëschter haten d'Police Tréinegas a Gummiskugele géint d'Demonstranten agesat. Op d'mannst véier Leit wieren ëm d'Liewe komm a 750 Persoune wiere bis elo verhaft ginn, esou ONGen an d'Spideeler.