D'CFL deele mat, datt d'Reparaturaarbechten duerch déi héich Temperaturen net am Laf vum Dag konnte gemaach ginn. D'Aarbechte goufen dofir nuets duerchgefouert, wéi d'Temperaturen et zougelooss hunn.
Aktuell lafen nach zousätzlech technesch Interventiounen. Mat enger progressiver Normaliséierung vum Verkéier gëtt net viru Muer de Mëtteg gerechent.
Bis dohinner musse Passagéier op de betraffene Linne weider mat Retarden an Zuchausfäll rechnen.
