Um CDU Parteidag gëtt och déi fréier Kanzlerin Angela Merkel erwaart. Si soll fir déi éischte Kéier zënter dem Enn vun hirer Regierungszäit nees bei engem Parteidag derbäi sinn.
Um CDU-Parteidag gëtt iwwer méi wéi 100 ënnerschiddlech Demandë beroden. Dorënner d‘Positioun vun der CDU fir e Social-Media-Verbuet fir Kanner a Jugendlecher. De Kanzler huet sech fir esou e Verbuet ausgeschwat. Op senger rezenter Visitt vum politeschen Äschermëttwoch zu Tréier huet de Bundeskanzler iwwerdeems seng Fuerderung un déi däitsch Bevëlkerung widderholl, déi sollt manner Wäert op Lifestyle leeën a méi op Wirtschaft.