Honger a Krankheet wier keng onglécklech Konsequenz vun den israeelesche Militärattacken, mee géife bewosst provozéiert ginn, esou Amnesty International. Dat mam But fir d‘Palestinenser physesch ze zerstéieren: An den A vun Amnesty International wier dat e Genozid.
Mat deene Virwërf ass Amnesty International och net eleng. Och aner ONGen an d‘UNO warne reegelméisseg virun enger Hongersnout am Palästinensergebitt.
Nei Gespréicher fir eng méiglech Wafferou
Den Ament ass eng Delegatioun vun der palästinensescher Terrororganisatioun Hamas zu Kairo fir Gespréicher. D'Hamas hätt vun den ägyptesche Mediateuren eng nei Propositioun fir eng Waffepaus kritt, heescht et aus Palästinenserkreeser.
Et géif sech ëm e Kader-Accord handelen, mat deem Verhandlunge fir e permanente Waffestëllstand solle lancéiert ginn. Dora wieren déi grouss Linne vun der amerikanescher Friddenspropose zeréckbehale ginn: E Waffestëllstand vu 60 Deeg an d‘Fräiloossung an zwou Etappen vun den israeelesche Geiselen.
